သင် Bitcoin ထုၵ်ႇ Ban ၼႆ ​တေသိုပ်ႇပဵၼ်သင်?

         ၸွင်ႇလူင်ပွင်ၸိုင်ႈ ၸၢင်ႈ ban Bitcoin ႁိုဝ်?

         တွပ်ႇပွတ်းပွတ်းဝႃႈ - ဢမ်ႇ။

​​

ပေႃးတွပ်ႇယၢဝ်းယၢဝ်း - သင်ဢဝ်ပၢႆးထႅၵ်ႇၼီႇၶိူဝ်ႇဝႃႈတႄႉ လႆႈယူႇ။ ၵူၺ်း လိုၼ်းသုတ်းမႃး ၵၢၼ် ban Bitcoin ၸိူဝ်းၼၼ်ႉ ​​တေဢမ်ႇသူႈဢွင်ႇမၢၼ်လႆႈ (လႄႈ ၸိုင်ႈမိူင်းလၢႆလၢႆမိူင်း​​ၵေႃႈ ​​တေဢမ်ႇသူၼ်ၸႂ်လွင်ႈၼႆႉၵွၼ်ႇ)။ ပိၵ်ႉသမ်ႉဝႃႈ ၸႂ်ႉတိုဝ်းဢၢမ်းၼၢတ်ႈ​​သေ ပိုၼ်ၽၢဝ်ႇ ban Bitcoin ​​သေတႃႉ ၵူၺ်းဢမ်ႇပဵၼ်မႃးမိူၼ်ၼင်ႇ ဢၼ်ပိုၼ်ၽၢဝ်ႇဝႆႉ။ တီႈ​​တေႉမၼ်း လၢႆလၢႆမိူင်း​​ၵေႃႈ ၶတ်းၸႂ် ban Bitcoin မႃးယဝ်ႉ မိူၼ်ၼင်ႇမိူင်း Bolivia, Ecuador, Russia, India, မိူင်း​​ၶေႇ ​​တေႇၵႂႃႇ ဢၼ်လၢတ်ႈမႃးၸိူဝ်းၼႆႉ တိုၵ်ႉပဵၼ်ၵမ်ႈ​​ဢေႇၵူၺ်း။ ၵူၺ်း ဢိင်ၼိူဝ် Bitcoin ထုၵ်ႇႁဵတ်းသၢင်ႈဢွၵ်ႇမႃး တႃႇပဵၼ်သိုဝ်ႇၵၢင် တႃႇပိၼ်ႇလႅၵ်ႈလႆႈလႄႈ မၼ်းဢမ်ႇတၢပ်ႈလူဝ်ႇႁႂ်ႈၽႂ်လႂ်မႃးၶႂၢင်ႉပၼ်ဝႃႈ ၸႂ်ႉလႆႈႁိုဝ် ဢမ်ႇၸႂ်ႉလႆႈၼႆ။ လွင်ႈ ban Bitcoin ၼႆႉ လိုၼ်းသုတ်း မၼ်းမိူၼ် ဢၼ်လူင်ပွင်ႈၸိုင်ႈ ႁၢမ်ႈ ဢမ်ႇႁႂ်ႈၸဝ်ႈၵဝ်ႇဝူၼ်ႉလႆႈလွတ်ႈလွတ်ႈလႅဝ်းလႅဝ်းၼၼ်ႉၵူၺ်း။

ၶဝ်​​တေၸႂ်ႉ မၢႆမီႈ​​သေ ႁၢမ်ႈဢမ်ႇပၼ်ၸႂ်ႉတိုဝ်း Bitcoin လႆႈ​​သေတႃႉ ၵူၺ်း လွၵ်းလၢႆးလဵဝ် ဢၼ်​​တေႁဵတ်းႁႂ်ႈႁဝ်းႁႃး ဢမ်ႇဝူၼ်ႉလႆႈလွတ်ႈလွတ်ႈလႅဝ်း  လႅဝ်းၼၼ်ႉ ပဵၼ်လၢႆးဢၼ်ၶဝ်ၶတ်းၸႂ် လဵၼ်ႈၸိူင်းယွၵ်ႇတႃ လႄႈ လၢင်ႉဢွၵ်း​​ဢေႃၵူၼ်းမိူင်းၵူၺ်း။ ၸဝ်ႈၵဝ်ႇ လႅပ်ႈ​​တေဝူၼ်ႉႁၼ်ထိုင်လႆႈ ၼိူဝ်လွင်ႈလၢင်ႉ ဢွၵ်း​​ဢေႃၵူၼ်း လႄႈ ပွႆႇၶၢဝ်ႇပွမ် လႆႈယူႇလၢႆလၢႆလၢႆး လႄႈ ႁဝ်း​​ၵေႃႈ​​တေယၢမ်ႈထူပ်း သၢႆငၢႆငဝ်းလၢႆးၸိူဝ်းၼၼ်ႉမႃးယဝ်ႉ။

ၽူႈတႅမ်ႈ​​တေၶတ်းၸႂ်ဢမ်ႇပၼ်​​ၶေႃႈတွပ်ႇ ဝႃႈၵူႈၸိူဝ်ႉၵူႈလွင်ႈ ဝၼ်းမိူဝ်ႈၼႆႉ ပဵၼ်လၢႆးၶပ်းၶိုင် သၢင်ႈပၢႆးၸႂ်ႁဝ်း ၵူၺ်းတီႈ​​တေႉမၼ်း ၵူႈလွင်ႈ​​ၵေႃႈ ပဵၼ်လၢႆး ပိုၼ်ၶၢဝ်ႇ တႃႇႁဵတ်း marketing ၵူၺ်း ၵမ်ႈပႃႈၼမ် ​​တေလႆႈႁၼ်ၼႂ်း ႁူင်း ႁဵၼ်းပၢႆးဝူၼ်ႉၸိူဝ်းၼၼ်ႉ။

ၵွပ်ႈသင် လူင်ပွင်ၸိုင်ႈ မီးၵၢင်ၸႂ် ၶႂ်ႈ ban Bitcoin?

ဢိင်ၼိူဝ် Bitcoin ယူႇၽၢႆႇၼွၵ်ႈ ဢၼ်လူင်ပွင်ၸိုင်ႈ ထိင်းသိမ်းဢၢမ်း ၼၢတ်ႈၶွင်ယေးငိုၼ်းလူင်ၸိုင်ႈမိူင်းလႄႈ ၶဝ်ၸင်ႇလႆႈၶတ်းၸႂ် ပိုၼ်ၶၢဝ်ႇဝႃႈ Bitcoin ပဵၼ်လွင်ႈႁုၵ်ႉႁၢႆႉလူင် ဢၼ်ၶတ်းၶႃ လူင်ပွင်ႈၸိုင်ႈ တႃႇႁဵတ်းႁႂ်ႈတူင်ႇ ဝူင်းႁဝ်းလီမႃးလိူဝ်​​သေၵဝ်ႇၼၼ်ႉ ၼႆယဝ်ႉ။

ၼႆႉပဵၼ်​​ၶေႃႈၵႂၢမ်း ဢၼ်တႅၼ်းၽွင်း Elizabeth Warren လၢတ်ႈဝႆႉ ...

"Cryptocurrency တင်းလၢႆ ယႃႉၵဝ်း လွင်ႈပွင်ပဵၼ်လႆႈ ၶွင်လူင်ပွင်ၸိုင်ႈ ၼႂ်းၵၢၼ်ယုၵ်းမုၼ်း ႁဵတ်းႁႂ်ႈပၢႆးမၢၵ်ႈမီးၶိုၼ်ႈယႂ်ႇလႄႈ ၵႅၼ်ႇၶႅင် ... လွင်ႈလၵ်ႉ လွင်ႈၸူၼ်၊ လွင်ႈၵႃႉယႃႈ၊ လွင်ႈတိုၵ်း​​တေႃး​​သေ ယွၼ်းငိုၼ်း လႄႈ လွင်ႈႁဵတ်းသၢင်ႈၽိတ်းမၢႆမီႈ ၸိူဝ်းၼႆႉ ပဵၼ်ယွၼ်ႉ cryptos။ ၽူႈလူင်ႉလႅၼ်ႇၶဝ် လၢမ်း ၶၢတ်ႈဝႃႈ မိူဝ်ႈပီၵၢႆ မီးလွင်ႈၸႂ်ႉၸၢႆႇငိုၼ်း မွၵ်ႈ 412 လၢၼ်ႉ​​တေႃႇလႃႇ ပၼ် ၸူၼ်ယွၼ်းငိုၼ်းၸိူဝ်းၼၼ်ႉ လူၺ်ႈ cryptocurrency" ။

ၵူၺ်း ​​တေႃႈလဵဝ် မၼ်းၼၢင်းလႄႈ ၵူၼ်းႁဵတ်းၵၢၼ်မိူင်းတၢင်ႇ​​ၵေႃႉ ဢမ်ႇမီးၽႂ်လႂ်လၢတ်ႈထိုင် လွင်ႈငိုၼ်း fiat မွၵ်ႈ 8 သႅၼ်လၢၼ်ႉ ​​တေႃႇထိုင် 2 လၢၼ်ႉ လၢၼ်ႉ​​တေႃႇလႃႇ ဢၼ်ထုၵ်ႇဢဝ်ငိုၼ်းလမ် ႁဵတ်းငိုၼ်းၶၢဝ် ​​တေႃႇၼိုင်ႈပီ ၸွမ်း ၼင်ႇ UN ၶဝ်လၢမ်းၶၢတ်ႈဝႆႉ ၼမ်လိူဝ်​​သေဢၼ်မၼ်းၵၢဝ်ႇၼႄးထိုင် cryptocurrency ၼၼ်ႉ ပဵၼ် 400 ပုၼ်ႈလူးၵွၼ်ႇ။ မိူဝ်ႈပီ 2020 ငိုၼ်း ဢၼ်ဢဝ်ၸႂ်ႉတိုဝ်း ၼႂ်းလွင်ႈ​​ၵေႃႇၵၢၼ်ႁၢႆႉၼၼ်ႉ မီးမွၵ်ႈ 0.34% ၵူၺ်း ဢၼ်ၸႂ်ႉ cryptocurrency။

တူၺ်းလႄႈ ဝႃႈလုမ်ႈၾႃႉလူင်ၼႆႉပဵၼ်သင်ယူႇ မိူဝ်ႈမၼ်းထုၵ်ႇလူင်ပွင်ၸိုင်ႈ ၵုမ်းထိင်းဝႆႉ။ လူင်ပွင်ၸိုင်ႈ တိုၵ်ႉၵုမ်းၵမ်ပၢႆးမၢၵ်ႈမီး လူၺ်ႈ​​ပေႃႇလသီႇ   ၵၢၼ်ငိုၼ်း တႃႇႁႂ်ႈပၢႆးမၢၵ်ႈမီးႁုၼ်ႈမုၼ်း။ ၵူၺ်း ဢၼ်ႁဝ်းဢဝ်လွင်ႈယုမ်ႇယမ် ပၼ်လူင်ပွင်ၸိုင်ႈၼၼ်ႉ မိူၼ်ၵၼ်တင်း ႁဝ်းဢဝ်လွင်ႈယုမ်ႇယမ်ႁဝ်း ယိုၼ်ႈပၼ် ၵူၼ်းဢမ်ႇသိုဝ်ႈယူဝ်း​​တေႃႇႁဝ်း၊ တႅပ်းတတ်းၸႂ် တႃႇၼမ်ႉမႅတ်ႈၼမ်ႉတွၼ်းၶဝ် လႄႈ ၽွမ်ႉတၼ်းတႃႇဢိတ်ႇငိုၼ်းဢွၵ်ႇ တွၼ်ႈတႃႇၸွႆႈထႅမ်​​ယေးငိုၼ်းလူင်၊ ဢမ်ႇသူၼ်ၸႂ်ဝႃႈ ၵူၼ်းမိူင်းတေပဵၼ်ၸိူင်ႉႁိုဝ် (သင်ၶႂ်ႈႁၼ်ပိူင်တႅၵ်ႈမၼ်းၸိုင် တူၺ်းဢဝ်မိူဝ်ႈ ​​ၽေးလူင်ၵၢၼ်ငိုၼ်း မိူဝ်ႈပီ 2008 ၼၼ်ႉ)။

ၼႂ်းမိူင်း​​ၶေႇ Bitcoin ထုၵ်ႇ ban ၼပ်ႉပွၵ်ႈမၼ်း သမ်ႉ​​ပေႃးဢမ်ႇလႆႈ၊ ဢမ်ႇ ၸႂ်ႉလၢႆးၼိုင်ႈ​​ၵေႃႈ ၸႂ်ႉလၢႆးၼိုင်ႈယဝ်ႉ။ ​​ၶေႇမီး​​ၶေႃႈၸုၵ်းမၼ်ႈ ဢၼ်သၢၼ်ၶတ်း Bitcoin ​​တေႉ​​တေႉဝႃႈဝႃႈ၊ ၶဝ်ၶႂ်ႈႁဵတ်းဢွၵ်ႇ digital Yuan (CBDC: central bank digital currency) ယွၼ်ႉၶဝ်​​တေၵုမ်းၵမ် လႄႈ ၸွမ်းတူၺ်းၵူၼ်းမိူင်းလႆႈၵူႈၶၢဝ်း။ Bitcoin ၵူဝ်ၸိူဝ်းဢၼ်မီး သုၼ်ၵၢင်ၵုမ်းထိင်းလႄႈ သင်ၵူၼ်း မိူင်းလိူၵ်ႈ​​သေဢၼ်ဢၼ် ဢၼ်လူင်ပွင်ၸိုင်ႈ ဢမ်ႇၸၢင်ႈၶဝ်ၸိမ် ၵုမ်းၵမ်လႆႈ ၼၼ်ႉလူး ​​တေပဵၼ်ႁိုဝ်? လွင်ႈဢၼ်ၶဝ်ၶတ်းၸႂ်ၼၼ်ႉ​​ၵေႃႈ ​​တေဢမ်ႇမီးတီႈ ပွင်ႇသင်။

သင်လူင်ပွင်ၸိုင်ႈ ၶတ်းၸႂ် ban Bitcoin ဢမ်ႇၼၼ် cryptocurrency တၢင်ႇဢၼ်ၼႆ လွင်ႈဢၼ်​​တေပဵၼ်မႃးၼၼ်ႉ ၸၢဝ်း crypto တၢင်းလၢႆ​​တေသၢၼ်ၶတ်းႁၢဝ်ႈႁၢဝ်ႈႁႅင်းႁႅင်း​​သေ ​​တေၸၼ်ၸႂ် သိုဝ်ႇၶၢဝ်ႇတင်းလုမ်ႈၾႃႉ သူၼ်ၸႂ်မႃး။ ၶဝ်​​တေႁဵတ်းႁႂ်ႈ ၵူၼ်းၸိူဝ်းဢၼ်ဢမ်ႇယၢမ်ႈသူၼ်ၸႂ် Bitcoin ​​တေသူၼ်ၸႂ်မႃး​​ၵေႃႈၸၢင်ႈပဵၼ်လႆႈ။

လွင်ႈမႆႈၸႂ် ၵပ်းၵၢႆႇလူၺ်ႈ ၵၢၼ်ယွမ်းႁပ်ႉၸႂ်ႉတိုဝ်း Bitcoin ၼႂ်းတူင်ႇ ဝူင်းၵႂၢင်ႈ

"လီယဝ်ႉ ... သင်လူင်ပွင်ၸိုင်ႈဢမ်ႇႁၢမ်ႈ Bitcoin လႆႈ တီႈ​​ဢေႇသုတ်း ၶဝ် ႁၢမ်ႈႁႂ်ႈၵူၼ်း ဢမ်ႇၸႂ်ႉတိုဝ်းမၼ်းလႆႈယူႇဢမ်ႇၸႂ်ႈႁိုဝ်?"

လူင်ပွင်ၸိုင်ႈၶဝ် ​​တေဝူၼ်ႉဝႃႈ ၶဝ်ၸၢင်ႈႁဵတ်းႁႂ်ႈ ၵၢၼ်ယွမ်းႁပ်ႉ Bitcoin ထိူင်းမႃး ၵူၺ်း လၢႆးႁဵတ်းသၢင်ႈၸိူဝ်းၼၼ်ႉ ​​တေဢမ်ႇပဵၼ်မႃး မိူၼ်ၶဝ်ဝူၼ်ႉ။

ၽူႈတႅမ်ႈ​​တေၵပ်းသိုပ်ႇၼႄ ပိူင်ဢၼ်ႁဵတ်းႁႂ်ႈ​​ပေႃႇပဵၼ်မႃး လူၺ်ႈဢမ်ႇ   တင်ႈၸႂ် (the law of unintended consequences) ၼၼ်ႉ။ ပိူင်တႅၵ်ႈ ဢၼ်ၶႃႈႁဝ်းလႆႈၸႂ်ၼႄၼၼ်ႉ ပဵၼ်လွင်ႈ the Cobra effect လႄႈ Streisand effect (ဢပုမ်ႇသွင်လွင်ႈၼႆႉ ၵိုင်ႇၵႃႈ​​တေႃႇ​​တေႁႃမႃးလူယူႇ) - ပိူင်တႅၵ်ႈသွင်ဢၼ်ၼႆႉ ပဵၼ်သၢႆငၢႆ ဢၼ်ၸဝ်ႈၵဝ်ႇမုင်ႈမွင်းတႃႇပဵၼ်မဵဝ်းၼိုင်ႈလႄႈ မၼ်းသမ်ႉပဵၼ်မႃးထႅင်ႈမဵဝ်းၼိုင်ႈၼၼ်ႉယဝ်ႉ။

သင် Bitcoin ထုၵ်ႇ ban ၼႆ လိုၼ်းသုတ်း မၼ်း​​တေမိူၼ်ၼင်ႇ လူင်ပွင် ၸိုင်ႈၶဝ် ပိုၼ်ၽၢဝ်ႇပၼ် လွင်ႈယိုင်ႈယႂ်ႇၶွင် Bitcoin လၢႆလၢႆ ဢၼ်ပႆႇယၢမ်ႈမီးမႃးၼၼ်ႉၵူၺ်း။

ၸွင်ႇႁၼ်ႁိုဝ်? ၽႃဢုတ်ႇလူင် ဢၼ်ၶတ်းၸႂ်သၢင်ႈမႃးၼၼ်ႉ ​​တေၵူၼ်ႇပင်း။ ၼႆႉပဵၼ် ၵၢၼ်လုၵ်ႉၽိုၼ်ႉ​​တေႃႇ ၵၢၼ်ငိုၼ်း​​တေႃႈလဵဝ် ဢၼ်ယႃႉၸၢတ်ႈပၢၼ်ၵူၼ်းလၢႆလၢႆ​​ၵေႃႉမႃး ၶၢဝ်းတၢင်းႁိုင် လႄႈ လႅၵ်ႈလၢႆႈမၼ်းႁႂ်ႈပဵၼ်​​သေလွင်ႈလွင်ႈ ဢၼ်ၽူႈၼမ်းႁဝ်း​​တေဢမ်ႇႁၼ်လီၸွမ်း​​တေႉ​​တေႉဝႃႈဝႃႈ။