လွင်ႈတၢင်း

လၢႆးၼပ်ႉ မၢႆဢွင်ႇ လုၵ်ႈႁဵၼ်းၸိူဝ်းၼႆႉ မၢင်ပွၵ်ႈပေႃးလူဝ်ႇမႃးၼပ်ႉဢွၵ်ႇ မၢႆဢွင်ႇ လုၵ်ႈႁဵၼ်း ၼႆ ၵႆႉၵႆႉလိုမ်းၵႂႃႇပဵတ်းလႄႈ မိူဝ်းၼႆႉ ၸင်ႇ ဝူၼ်ႉသေတႅပ်းတတ်းၸႂ်သေ တႅမ်းဝႆႉ မၢႆဝႆႉ တွၼ်ႈတႃႇတွင်းငၢႆႈ ၸိူင်ႉၼႆလႄႈ မႃးတႅမ်းတၢင်ႇဝႆႉ တီႈၼႆႈၶႃႈ။

ႁဵတ်းဝႆႉ ယူင်ႉမၼ်းဢွၼ်တၢင်း

ဢွၼ်တၢင်းသုတ်းတေႉ ႁဝ်းၶႃႈ ႁဵတ်းဝႆႉ ယူင်ႉ မၼ်းၶႃႈဢေႃႈ မိူၼ်ၼႆၶႃႈ ပေႃးႁဵတ်းယဝ်ႉ

တေႃႈလဵဝ် မၢႆဢွင်ႇ (Course Mark) လႄႈ မၢႆဢွင်ႇၵမ်းလိုၼ်း (Final Mark) ၼၼ်ႉ ဢမ်ႇပႆႇလႆႈၼပ်ႉသင်သေဢိတ်းၶႃႈတိုၵ်ႉပဵၼ်လွၵ်းပၢဝ်ႇဝႆႉယူႇၶႃႈ။

formula မၼ်းတေပဵၼ်ၸိူင်ႉႁိူဝ်?

ၼႂ်း formula ၼႆႉ ႁဝ်းၶႃႈတေ လႆႈၸႂ်ႉ လႆႈၼပ်ႉ မိူၼ်ၼင်ႇ +, % လႄႈ x ဢမ်ႇၼၼ် * ၸိူဝ်းၼႆႉ ၶႃႈဢေႃႈ။ ပေႃးယဝ်ႉပၢင်တွပ်ႇလိၵ်ႈၼိုင်ႈပၢင်ၼႆႉ ႁဝ်းၶႃႈတေလႆႈ ဝႆႉ ပၼ် Percent % (ႁူဝ်ပၵ်ႇ) မၼ်းၶႃႈ

ၼပ်ႉ ဢွၵ်ႇ percent ႁိူဝ် Credit မၼ်း

ၵမ်းၼႆႉႁဝ်းၶႃႈဝႆႉဝႃႈ ပၢင်တွပ်ႇလိၵ်ႈ ၼိုင်ႈပွၵ်ႈၼႆႉဝႆႉဝႃႈ 20 Percent (%) 0.2 Credit ၼႆၶႃႈၼေႃႈယဝ်ႉၵေႃႈ တေၼပ်ႉၼႄ လုၵ်ႈႁဵၼ်း ၶပ်ႉ 1 ဢၼ်ၸိုဝ်ႈဝႃႈ ယိင်းၼိုင်ႈ မိူၼ်ၼႂ်း Excel ၼႆႉၶႃႈ

***မၢႆတွင်း သင်ဝႃႈ ပၼ် Percent (%) မၼ်း ၼႆႉ ပေႃး လေႃးၵၼ်မူတ်း တေလႆႈမီး 100 % ၶႃႈ မိူၼ်ၼင်ႇ ပၢင်တွပ်ႇလိၵ်ႈၼိုင်ႈပွၵ်ႈ ႁဝ်းၶႃႈ ပၼ် ၼိုင်ႈ 10 % ၼႆၵေႃႈလႆႈယူႇ ၵူၺ်း တေလႆႈ ပဵၼ် 10 ပွၵ်ႈပႅတ်ႈၶႃႈၼေႃႈ တႃႇတေတဵမ် 100%. ပေႃးပၼ် 20% ၼိုင်ႈၵေႃႈ ပဵၼ် 5ပွၵ်ႈၵူၺ်းၶႃႈ ဢၼ်ၼၼ်ႉတေႉမီးတီႈႁဝ်းၶႃႈဝႆႉၵူၺ်းၶႃႈ ဢမ်ႇၸႂ်ႈပိူင်တၢႆၶႃႈ

ပေႃးဢဝ် Credit ဝႃႈၼႆၸိုင် ပေႃးလေႃးၵၼ်မူတ်းၶိုၼ်းတေလႆႈမီး 1.

C2 = မၢတ်ႈဢၼ်လႆႈဝႆႉမိူဝ်ႈပၢင်တွပ်ႇလိၵ်ႈ-1

D3 = မၢတ်ႈဢၼ်လႆႈဝႆႉမိူဝ်ႈပၢင်တွပ်ႇလိၵ်ႈ-2

E2 = မၢတ်ႈဢၼ်လႆႈဝႆႉမိူဝ်ႈပၢင်တွပ်ႇလိၵ်ႈ-3

F2 = မၢတ်ႈဢၼ်လႆႈဝႆႉမိူဝ်ႈပၢင်တွပ်ႇလိၵ်ႈ-4

G2 = မၢတ်ႈဢၼ်လႆႈဝႆႉမိူဝ်ႈပၢင်တွပ်ႇလိၵ်ႈ-5

တီႈၼိူဝ် formula ၼႆႉ သင်ဝႃႈ ဢမ်ႇၶႂ်ႈတႅမ်း ၼႆၸိုင် တႅမ်ႈ 0.2 ၼႆၵေႃႈ လႆႈမိူၼ်ၵၼ်ၵူၺ်းၶႃႈမိူၼ်တီႈတႂ်ႈၼႆႉၶႃႈ

ပေႃးၼႂ်း Excel တေလႆႈႁၼ်ၸိူင်ႉၼႆၶႃႈ

ယေႃၵမ်းၼႆႉ မၢႆႇဢွင်ႇတႃႇလုၵ်ႈႁဵၼ်းၵေႃႉဢွၼ်ႇတၢင်းတေႉဢွၵ်ႇမႃးယဝ်ႉၶႃႈၼေႃႈ ထႅင်းတႃႇ ၸၢႆးသွင်လႄႈ ၸၢႆးသၢမ်ၼႆ ႁဝ်းၶႃႈ ဢမ်ႇလူဝ်ႇၶိုၼ်းသႂ်ႇ Formula မၼ်းယဝ်ႉၶႃႈ ဢဝ် Mouse သေ + Ctrl သေ ၸၼ်လူင်းၵေႃႈဢွၵ်ႇမႃးယဝ်ႉၶႃႈ

မိူၼ်ၼင်ႇ ၼႆၶႃႈ

ၼပ်ႉ ဢွၵ်ႇ final mark (မၢႆလႆႈၵမ်းလိုၼ်း)

တႃႇတေၼပ်ႉ ဢွၵ်ႇ မၢႆလႆႈၵမ်းလိုၼ်းၼႆႉ ႁဝ်းၶႃႈ လူဝ်ႇတွင်းဝႆႉ ၵႂၢမ်းၶေႃႈၼိုင်ႈၶႃႈ ဝႃႈ 5 ၶိုၼ်ႈ 4 မွတ်ႇ မိူၼ်ၼင်ႇဝႃႈပေႃးမီး 0.5 ဢမ်ႇၼၼ် ယႂ်ႇပူၼ်ႉသေ 0.5 ၼႆ ဢဝ်ၶိုၼ်ႈပဵၼ် 1 သေ သင်ဝႃႈ 0.4 ၼႆ ဢမ်ႇဢဝ်ယဝ်ႉၶႃႈ မွတ်ႇပႅတ်ႈသေ ၸိူင်ႉၼႆၶႃႈဢေႃႈ။ ၵွပ်းၼႆသင်ဝႃႈ လုၵ်ႈႁဵၼ်း လႆႈ 85.4 ၼႆ တေၵိုတ်း 85 ၵူၺ်းၶႃႈ သင်ဝႃႈ လႆႈ 61.6 ၼႆ .6 ၼႆႉ ယႂ်ႇလိူဝ်သေ 5 လႄႈ ဢဝ် ပဵၼ် 1 ၶႃႈ ၵွပ်းၼႆ လိုၼ်းသုတ်းတေယဵၼ်းပဵၼ်ၵႂႃႇ 62 ယဝ်ႉၶႃႈ။

ပေႃးၼႂ်း Excel ၼႆၸိုင် တဵၵ်းပၼ် လွၵ်းမၢႆလႆႈၵမ်းလိုၼ်းၼႆႉသေ Right Click ယဝ်ႉ လိူၵ်ႈပၼ် Format Cells သေ တေလႆႈ မႄႈလိူၵ်ႈပၼ် ၸိူင်ႉၼင်ႇမိူၼ် ၶႅပ်ႈႁၢင်ႈတီႈတႂ်ႈၼႆႉၶႃႈ။

ပေႃးယဝ်ႉတဵၵ်းပၼ် Ok သေယဝ်ႉၼႆၸိုင်ႁဝ်းၶႃႈ တေလႆႈႁၼ်ၸိူင်ႉၼႆၶႃႈဢေႃႈ

လၢႆးၼပ်ႉ မၢတ်ႈ(ၸၼ်ႉ) A,B,C,D..

ပေႃးႁဝ်းၶႃႈ တေၼပ်ႉ ဢွၵ်ႇ မၢတ်ႈ A, B, C ၼႆ ၸိုင်ဢွၼ်တၢင်းသုတ်းတေႉ ႁဝ်းၶႃႈ တေလႆႈၼပ်ႉဝႆႉ မၢႆဢွင်ႇ ၵမ်းလိုၼ်းဢွၼ်တင်းယဝ်ႉၶႃႈ ၵွပ်းသင်ၼႆ ႁဝ်းၶႃႈ ၸႂ်ႉ မၢႆဢွင်ႇၵမ်းလိုၼ်းသေ ၼပ်ႉဢွၵ်ႇ ၸၼ်ႉ A, B, C ၶႃႈဢေႃႈ။

ၸူဝ်ႈႁဝ်းၶႃႈ ပႆႁဵတ်း formula မၼ်းၼၼ်ႉ ႁဝ်းၶႃႈ ႁဵတ်းဝႆႉ ယူင်ႉလွၵ်းတႃႇ မၢတ်ႈ(ၸၼ်ႉ) A,B,C ၵမ်ၼိုင်ႈၶႃႈၼေႃႈ မိူၼ်တီႈတႂ်ႈၼႆႉၶႃႈ

ပေႃးယဝ်ႉယဝ်ႉၼႆ ႁဝ်းၶႃႈ လူဝ်ႇသႂ်ႇပၼ် formula မၼ်းၶႃႈၼေႃႈ Formula မၼ်းတေႉ ပဵၼ်

IF(I2>=90,"A",IF(I2>=80,"B",IF(I2>=70,"C",IF(I2>=60,"D","F"))))

Formula ဢၼ်ၼႆႉတေႉပုၼ်ႈတႃႇ ၶပ်ႉ 1 ၸိုဝ်ႈလုၵ်ႈႁဵၼ်း ယိင်းၼိုင်ႈ ၼႆႉယဝ်ႉၶႃႈ။

တီႈပွင်ႇ formula မၼ်းတေႉၵေႃႈဝႃႈ

1. သင်ဝႃႈ မၢႆဢွင်ႇၵမ်းလိုၼ်းမၼ်း ယႂ်ႇလိူဝ်ဢမ်ႇၼၼ်ပဵင်းၵၼ်တၢင်း 90 ၼႆ တေလႆႈ A.
2. သင်ဝႃႈ မၢႆဢွင်ႇၵမ်းလိုၼ်းမၼ်း ယႂ်ႇလိူဝ်ဢမ်ႇၼၼ်ပဵင်းၵၼ်တၢင်း 80 ၼႆ တေလႆႈ B.
3. သင်ဝႃႈ မၢႆဢွင်ႇၵမ်းလိုၼ်းမၼ်း ယႂ်ႇလိူဝ်ဢမ်ႇၼၼ်ပဵင်းၵၼ်တၢင်း 70 ၼႆ တေလႆႈ C.
4. သင်ဝႃႈ မၢႆဢွင်ႇၵမ်းလိုၼ်းမၼ်း ယႂ်ႇလိူဝ်ဢမ်ႇၼၼ်ပဵင်းၵၼ်တၢင်း 60 ၼႆ တေလႆႈ D လႄႈ သင်ဝႃႈလဵၵ်ႉသေ 60ၼႆ တေပဵၼ် Fၼႆယဝ်ႉ။

ပေႃးသႂ်ႇ ယဝ်ႉၼႆၸိုင် တဵၵ်း Enter သေ ၸၼ်ႉ A ဢမ်ႇၼၼ် B တေဢွၵ်ႇမႃးယူႇယဝ်ႉၵေႃႈ ယူႇၼႂ်းလွၵ်းၼၼ်ႉသေ တဵၵ်း Ctrl သေ ဢဝ် Mouse ၸၼ်လူင်းၼႆ မၢတ်ႈ(ၸၼ်ႉ) A,B,C လုၵ်ႈႁဵၼ်းတၢင်ႇၵေႃႉၵေႃႈတေလႆႈႁၼ်မိူၼ်ၵၼ်ယဝ်ႉၶႃႈ။

download file (ၸၼ်လူင်း file ဢၼ်ၶႃႈႁဵတ်းဝႆႉ)

ငိၼ်းၸူမ်းၶွပ်းၸႂ်ၶႃႈ။